Йошкар-Ола воктенысе «Радужный» йоча тунемме рӱдерыште Икымше-влакын толкыныштын «Импульс Первых» регион кӱкшытан профилян сменышт эрта.
Тудо Марий Элын ик чолга ӱдыр-рвезыже-влакым да нунын наставникыштым иквереш чумырен. Икымше кечылаште рӱдерыште специальный военный операцийын участникше-влаклан полышым пуышо кугыжаныш фондын филиалжым вуйлатыше, Мужество орден дене палемдалтше, Йошкар-Оласе ЮНАРМИЙ штабын начальникше Ренат Магсумов, СВО-н участникше Григорий Кузнецов дене вашлиймаш лийын. Уна-влак боевой корнышт, сӧй пасушто лийын кертше нелылык нерген каласкаленыт. Тыгай мо тыгай Родина, порыс да моло нергенат мутланеныт, Российын Геройжо-влакын подвигыштым шарналтеныт. Вашлиймаш келшымаш, лӱддымылык дене кылдалтше муро дене мучашлалтын.
Г.Кожевникова
Фотом Марий Эл Образований да науко министерствын сайтше гыч налме
