22-26 июльышто Килемар районысо Молевой ер воктене латвизымше гана йоча да самырык-влакын «Еш — изи черке» фестивальышт эрта.
Православий дене кылдалтше еш йӱлам пропагандироватлыше ты фестивальыште участвоватлаш йодмашым 15 июль марте пуыман. Тушко еш денат ушнаш лиеш. Тений фестиваль «Тауштымаш» темылан пӧлеклалтеш. Сандене участник-влак 5-7 минут шуйналтше выступленийым ямдылышаш улыт ( Кӧлан тауштеда?… Юмылан, ача-авалан, священниклан, туныктышылан, кугезе тукымлан, шочмо кундемлан…) Тыгак кидпаша ярмиҥгалан кеч-могай кидпашам ыштыман, фестивальын темыж дене кылдалтше мурым, почеламутым, сценкым ямдылыман. Туныктышо-влак творческий мастер-класс-влакым эртарен кертыт.
Фестивальын программыже пӱртӱс лоҥгаште эрта, сандене чиемат келшыше лийшаш, палемденыт Марий епархийын пресс-службыштыжо. Йодмашым prorokailii@yandex.ru электрон адресыш колташ лиеш.
С.Носова.