Рособрнадзорым вуйлатыше С.Кравцов да ведомствын специалистше-шамыч 22 майыште увер да ситуаций рӱдерыште образований дене кылдалтше йодышлан вашештат. «Шокшо линий» 12 шагатлан тӱҥалеш. Сергей Кравцов ЕГЭ ден ГИА-м, тазалык шотышо ойыртемалтше икшыве-влаклан иктешлыше кугыжаныш аттестацийым эртарыме шотышто, экзамен материалын могай лиймыже, ЕГЭ ден ОГЭ-м уэш кучымо да аппеляцийым пуымо нерген каласкалышаш.
Йодышым кызытак ege@obrnadzor.gov.ru электрон почто дене, соцкыллашке ЕГЭ, ГИА дене кылдалтше лаштыклашке пуаш лиеш. А «шокшо линийыш» 8 495 984 89 19 телефон номер дене йыҥгыртыман.
Л.ШАБДАРОВА.
