Деловой ӱдырамаш-влакын ушемышт Российыште пенсий ийготым кугемдыме нерген законопроектым сайлан шотла.
Марий Элын экспертше ден мер пашаеҥже-влак пенсий реформо шотышто темлыме проектым умбакыже комментироватлат. Ушештарена, проектын авторжо-шамыч пенсий ийготым ӱдырамашлан 63, пӧръеҥлан 65 ий марте нӧлталаш темлат.
«Деловой средан, бизнесын еҥже семын ме тиде реформышто бизнеслан у йӧным ужна, вет тудын полшымыж дене калыкын пашам ыштен кертме ийготшо шуйна да пашам пуышо – пашам ыштыше вашкылын жапше кужемеш. Тидыже элысе экономикын да демографийын нелылыкыште улмышт жапыште Пенсий фондлан йол ӱмбалне пеҥгыдын шоген кодаш полша. Иктешлен каласаш гын, ушемна пенсий реформышто элысе экономикын вияҥмаштыже сай тенденцийым ужеш, – манеш Марий Элысе Деловой ӱдырамаш-влакын ушемыштым вуйлатыше Оксана Татаринова.
Ушем председательын палемдымыж почеш, СНГ-ште Россий пенсий реформо деке эн пытартыш толын. Тетла нимом ышташ огеш лий да веле пенсий ийготым кугемдыме нерген ойлаш тӱҥалме.
М.ИВАНОВА
