Изарнян, 20 августышто, мобильный медицине бригаде-влак Марий Элын кок районыштыжо пашам ышташ тӱҥалыт
Кужэҥер посёлкышто (Кужэҥер район эмлымвер) приёмым 9:30 гыч 13:30 шагат марте Республикысе клинический эмлымверын специалистше-влак, пульмонолог ден эндокринолог, эртарат.
Параньга посёлкышто (Параньга районысо эмлымвер) 9 шагат гыч 14 шагат марте Республикысе Йоча клинический эмлымверын специалистше-влак-аллерголог ден кардиолог-каҥашым пуат.
Акций Марий Эл вуйлатыше Юрий Зайцевын «Таза Республик» проектше да «Единый Россий» партийын Калык программыже полшымо дене илышыш шыҥдаралтеш.
