КУЛЬТУР ДА ИСКУССТВО

Гармоньым, кӱслем да молымат

«Культур» национальный проект полшымо дене Курыкмарий районышто ешартыш шинчымашым пуышо В.Куприянов лӱмеш Микрак йоча музыкальный школлан у семӱзгарым, йӱк оборудованийым да методике литературым уэмдаш йӧн пуалтын.  

Чынрак ойлаш гын, проект окса полшымо дене тушто духовой ден ударный семӱзгар-влакым, цифровой пианином, 5 баяным гармоньым да кӱслем налыныт. Тидлан 1316269 теҥгем кучылтмо. Тиддеч посна концертым эртараш йӱк оборудованийым, проекторым, кок ноутбукым, копийым ыштыме шуко функциян кок аппаратым, оргтехникым налыныт.

Ритмике кабинетыш воштончышым, художественный пӧлкаште тунемше-влаклан мольберт, светильник ден планшет-влакым, тыгак пленэрыш лукташ келшыше погыман пӱкен-шамычым конденыт. Тидлан 762606 теҥге окса каен. Тыгак 204060 теҥгелан кӱсле кылым налыныт, вет тидыже Микрак школлан моткоч кӱлешан. Марий кӱслелан келшыше кылым лӱмынак Пенза оласе «Эмузин» фирме ямдылен.

А.БАЙКОВА

Опубликовать в Одноклассники

Добавить комментарий