Россий Пенсий фондын Медведево районысо виктемжым у начальник вуйлаташ тӱҥалын.
2020 ий 1 декабрьыште виктемын у вуйлатышыжлан Н.Морозовам палемдыме. Тымарте тудо начальникын алмаштышыжлан ыштен. Наталья Александровна Россий Пенсий фондын системыштыже 2000 ий гыч пашам ышта, Медведево виктемыште – 2017 ий гыч. 20 ий жапыште ведомствын тӱрлӧ наградыже да пӧлекше дене палемдалтын, ты шотыштак – Россий Пенсий фондын «20 лет ПФР» шарнымашан знакше дене.
Мут толмашеш, палемдыме виктем Медведево, Оршанке да Килемар районлаште илыше 36321 пенсионерым обслуживатла.
М.ИВАНОВА
