УВЕР ЙОГЫН

Ветеринарный кочкыш сатулан обязательный электрон сертификаций пурталтеш

Тений 1 июль гыч Марий Элыште ветеринарный тергымашым эртышаш чыла кочкыш сатулан обязательный электрон сертификаций пурталтеш. 

Ялозанлык кочкышлан кӱлеш документ-влакым электрон йӧн дене «Меркурий» ГИС-ым кучылтын оформитлыман.

Кодшо кечылаште Йошкар-Олаште Марий Эл правительстве председательын алмаштышыже Юрий Сидыганов совещанийым эртарен. Тушто регионысо производитель-влакын у системым илышыш пуртышашлан ямде улмыштым каҥашеныт.

Ты шотышто ик эн кугу чаракым ыштыше нелылыклан ондаксе семынак алят республикын тора кундемлаштыже Интернет укелык але тудын йӧндымылыкшӧ шотлалтыт. Сандене посна ведомство-влаклан чыла ялозанлык производительлан Интернетыш пураш икгай йӧным ышташ кӱштымӧ.

Ушештарена, «Меркурий» системе кочкыш сатун качествыж дене кылдалтше йодышым рашемдаш ышталтын. Электрон сертификат-влак, сырье гыч тӱҥалын кевытыш логалмешкыже, тудын корныжым эскераш полшат.

Л.Камалетдинова.

Опубликовать в Одноклассники

Добавить комментарий