Россий Федерацийысе изи ола-влак ушемын федеральный советше Кугу Сеҥымашлан 75 ий темме лӱмеш всероссийский акцийым увертарен.
Тудым Кугу Отечественный сарыште лийше, тыгак шочмо эл верч кредалмаште вийым пыштыше, тылыште тыршыше-влак нерген олала ден районлаште шарнымаш книгам ышташ шонымаш дене тӱҥалме.
Тушто сеҥыше-шамычын икшывыштын, уныкаштын, кугезе уныкаштын каласкалымышт лийшаш. Верысе газетлаште возымат, интервью, самырык тукымын шарнымашышт, кугурак-шамычын каласкалымышт, фотографий почеш ойлымыштат пурталтыт.
Тӱшкан ыштыме паша Сеҥыше-влаклан тауштымо семын лиеш.
Ты проект нерген рашрак уверым тыгай сайтыште пален налын кертыда: www.smgrf.ru (http//smgrf.ru/news/federalnyj-sovet-smg-rf-obyavil-vserossijskuyu-aktsyu-v-chest-75-letiya-velikoj-pobedy/).
Е. Эшкинина
