2018 ий 12 февральыште Кужэҥер районысо Кугу Лаждӱр ялыште «Коҥга пазар» пайрем эртен.
Тушко Марий Элын калык артистше З.Берникова, Марий тӱр рӱдер вуйлатыше И.Степанова, «Саскавий» марий ӱдырамаш ушем вуйлатыше Л.Кошкина, поэт-влак А.Иванова ден Мардан Рая да молат миеныт. Йывансола, Марий Шой, Токтайбеляк, Кужэҥер, Чодыраял, Лаждӱр кундемла гыч ансамбль-влак калыкым шке мастарлыкышт дене куандареныт. Верысе-влак Коҥга пайремым эртарыме йӱлам ончыктеныт, чесым тамлыме деч ончыч Юмылан пелештеныт, тӱрлӧ сий дене сийлалты- ныт, тыгак коҥга воктене фо- том ышташ йӧн лийын.
Вес ийын «Коҥга пазар» пайрем Марий Шой ялыште эрташ тӱҥалеш.
А.ЯКОВЛЕВА,
М.ИВАНОВА.
