Волжский районысо Отымбал школышто «Шинчалан перныше лий!» («Стань заметнее!») конкурсым иктешленыт.
Тиде оҥай да пайдале мероприятийым «Волжский» полиций пӧлкан ГИБДД отделже тунемме тӧнежын тӱҥалтыш школышкыжо да верысе йочасадыш коштшо ӱдыр-рвезе-шамыч коклаште эртарен.
Йоча-влак конкурсын чыла заданийжым кӱлынак шукташ тыршеныт, нимучашдыме фантазийыштым кучылтын, тул волгыдым мӧҥгешла колтышо материал дене тӱрлӧ настам ыштеныт.
ГИБДД отделын начальникше А.Мусихина конкурсыш ушнышо кажне икшывым сувенир дене палемден: уроклаште кӱлшӧ пайдале уверан, шкем уремыште кучымо правилан сӧрал блокнот ден тул волгыдым мӧҥгешла колтышо браслет-влакым кучыктен.
М.ИВАНОВА.