Кужэҥер районысо школлаште шинчымашым погышо ӱдыр-рвезе-влаклан шошо каникулым пайдалын эртараш чыла йӧн уло.
Мутлан, таче Кужэҥер районысо рӱдӧ библиотеке «Молан книгат шортеш?» урокым эртарен. Мероприятийыште йочам обслуживатлыме пӧлкан пашаеҥже-влак ӱдыр-рвезе-шамычым книга дене чын пайдаланаш туныктеныт. Урокын кокымшо ужашыштыже чыланат книгам олмыктеныт.
Пӧлкам вуйлатыше Елена Иванован мутшо почеш, эрла книгагудышто «Сергей Михалковын оҥай геройжо-влак» юзо пасу мероприятий лиеш. Йоча писатель С.Михалковын произведенийже-шамычым сайын палыше ӱдыр-рвезе-влакым кумылым савырыше ятыр пӧлек вуча.
Шошо каникул жапыште районысо музей-выставке рӱдерат ӧрдыжеш кодын огыл. Тудат театр паша деке кумылаҥдыме, усталыкым вияҥдыме шонымаш дене «Театр – тиде йомак, театр – тиде чудо. Кунам кугу лиям, каем пашашке тушко» мероприятийым палемден.
М.ИВАНОВА.