Корно айда-лийже койышым огеш йӧрате. Тушто тыге коят гын, тыманмеш туткарыш логал кертат.
А еҥ-влак тидым шарнышт, правилым палышт манын, тудын дене кылдалтше шинчымашым йоча пагытыштак пуыман.
Тидым шотыш налынак, У Торъял районысо Какшанмучаш селасе тӱвыра пӧртыштӧ пашам ыштыше-влак, ӱдыр-рвезе-шамычын кеҥеж канышыште улмышт дене пайдаланен, «Корно движений правилым палет?» модмо программым эртареныт. Тыге икшыве-шамыч ятыр уымат пален налыныт, тыгак яра жапыштат арам лийын огыл.
Л.Камалетдинова
Фотом интернетысе соцкыл лаштыкышт гыч налме