ОБРАЗОВАНИЙ ШИНЧЫМАШ КУГОРНЫШТО

А тый курыкыш кӱзен моштет?

Студент-влак кеҥеж канышым пайдалын эртарышт манын, «ОПОРА» мер организаций нуным «Трамплин» палаткан лагерьыш ӱжеш. Тушко кажне ийын ПГТУ-н утарыше-влакын отрядышкышт коштшо-влак кумылын ушнат.

Тенийысе икымше смене «Лӱдыкшыдымылык» тематике почеш эртен

Студент-утарыше-шамыч йоча-влаклан мастер-классым ончыктеныт, вӱдыштӧ улмо годым шкем кӱлеш кучымо нерген каласаленыт. Иктешлен каласаш гын, ик сменыште нуно кум кугу тунеммашым эртареныт. Иктыже вӱдышто ийме годым лӱдыкшыдымылык дене кылдалтын, кокымшо – курыкыш кӱзымӧ технике, а кумшо – сусыргышо еҥлан икымше полыш. Студент-влак тыгак кид йымалне улшо материал полшымо дене носилкам ыштен ончыктеныт.

Сменын пытартыш кечынже йоча-шамыч налме шинчымашым практикыште кучылтын онченыт да удан огыл: кажныже маршрутым сайын да кӱлеш семын сеҥен кертын.

Лагерьын кокымшо сменыже «АРТ» тематике почеш эртен. Студент-утарыше-влак икшыве-шамычлан курыкыш кӱзымӧ технике дене кылдалтше мероприятийлам скалодромышто ончыктеныт, тыгак катамараным вӱдаш туныктеныт.

                                                                                                 Г.КОЖЕВНИКОВА

Опубликовать в Одноклассники

Добавить комментарий