Ешыште икшыве шочмеке, лӱмым пуымо йодыш кужу жап шонаш тарата, южгунам каҥашымашымат луктеш. Марий артист, мурызо-влак йочаштлан могай лӱмым да лачшымак молан тыгайым ойырен налыныт?
Кристина Лебедева, М.Шкетан лӱмеш Марий национальный драме театрын артистше:
— Шукерте огыл пелашем дене коктын у статусым нална: ава ден ача лийна. Юмо мыланна йыгыр йочам пӧлеклен. Могай лӱмым пуаш? — тыгай йодыш мемнам чот тургыжландарен. Кагаз лаштыкеш шуко лӱмым возенна. Жап эртыме семын, икмыняржым кораҥденна. Лӱмым ойырен налме шотышто йолташ-влакат, родо-тукымат полшеныт, кажныжын шке шонымашыже лийын.
Чукайна-влак Злата ден Милана лӱман ынде улыт.
А.БАЙКОВА
