12 декабрьыште, Россий Конституций кечын, йот элла гыч 6 еҥ Российын гражданинжын присягыжым приниматленыт.
Торжественный мероприятий Россий Президентын общественный приемныйыштыжо эртен. Тиде церемонийыште Марий Элыште Тӱҥ федеральный инспектор Петр Журавлев ден Марий Эл МВД-н миграций шотышто управленийжын начальникше Алексей Дмитриев лийыныт.
Кеч-могай йот эл гыч Россий гражданствым налше еҥ Российлан ӱшанле лиймыж нерген присягым ойлышаш. Тидым йоча, 18 ийым темыдыме ӱдыр-рвезе да дееспособный огыл еҥ-влак веле огыт ыште.
Присягым приниматлыме деч вара нине 6 еҥ ынде российысе паспортым налын кертыт, палдара Марий Элысе МВД-н пресс-службыжо.
Л.Камалетдинова.
