Роспотребнадзор увертара
Амалкалче-влакым вучат
13 июльышто Марий Элысе Роспотребнадзор виктемыште (Йошкар-Ола, Машиностроитель урем, 121-ше пӧрт) 10 гыч 16 шагат марте Амалкалче-влаклан всероссийский почмо омса кече эрта. Мероприятийын кышкарыштыже предприниматель-влак калыклан санитарно-эпидемиологический сай йӧным ыштыме, потребитель-шамычын праваштым аралыме да технический регламент-влакым шуктымо дене кылдалтше йодыш-шамычлан консультаций сынан полышым налын кертыт.
Приёмыш ончылгоч возалташ огеш кӱл. Лекше йодышым рашемдыме телефон: 8 (8 362) 68-19-97. E-mail: sanepid@12.rospotrebnadzor.ru.
Специалист-влак верысе пӧлкалаштат пашам ыштат:
- Волжский районышто Волжск оласе Ленин уремын 51-ше пӧртыштыжӧ, телефон: 8 (8 363 1) 6-00-88;
- Курыкмарий районышто Козьмодемьянск оласе Лихачев уремын 11-ше пӧртыштыжӧ, телефон: 8 (8 363 2) 7-36-68;
- Советский районышто Советский посёлкысо Пушкин уремын 19-ше пӧртыштыжӧ, телефон: 8 (8 363 8) 9-48-14;
- Шернур районышто Шернур посёлкысо Советский уремын 56-шо пӧртыштыжӧ, телефон: 8 (8 363 3) 9-72-63.
М.ИВАНОВА
