14 апрельыште Марий кугыжаныш университетыште «Тотальный диктант-2018» акций визымше гана эрта. Тудо йоҥылыш деч посна возаш тунемаш ышталтын. Тений тиде мероприятийыш тӱня мучко 1000 наре кундемыште ушнат. Диктант 14 шагатлан тӱҥалеш. Акцийыште писатель Гузель Яхинан произведенийжым лудыт.
Йошкар-Олаште диктантым МарГУ-н чыла тунемме корпусыштыжо возат. Регистрацийым эрташ огеш кӱл. Диктантым кажне кумылан серен кертеш.
Диктантым йоҥылыш деч посна возаш ямдылыме курсышто Йошкар-Олаште туныктат. Тудым МарГУ-н историй да филологий факультетшын корпусыштыжо (Пушкин урем, 30-шо пӧрт) кажне кугарнян 18 гыч 19 шагат марте акцийын Марий Элыште координаторжо, руш да общий йылмышанче кафедрын доцентше Сергей Журавлёв эртара.
Л.ШАБДАРОВА.
