ШИНЧЫМАШ КУГОРНЫШТО

Аклыме, иктешлыме

Школьник-влакын Российысе толкыныштын «РДШ – самоуправлений кумдык» проектшын регионысо этапшым иктешлыме. Чылаже тушко 39 йодмаш пурен, тышеч эксперт-влак ик эн сайлан йоча-шамычын ямдылыме 6 проектым шотленыт.

«Лӱддымын стартым налына» номинацийыште тыгай команде-влак сеҥышыш лектыныт: Шернур район Марисола кыдалаш школ, Йошкар-Оласе 29-ше №-ан школ да А.С.Пушкин лӱмеш 4-ше №-ан гимназий.

«Мемнан ыштыме жапна!» номинацийыште ончылно лийыныт: Волжск оласе 4-ше №-ан школ, Йоча-влаклан ешартыш образованийым пуышо Кужеҥерысе рӱдер, Звенигово район Чакмарий кыдалаш школ.

Каласыман, эн шуко проект Йошкар-Ола, Шернур да Курыкмарий районла гыч пурен. Шукыжым йоча-влак пашаштым экологий, патриотизм воспитаний, таза илыш-йӱла дене кылденыт.

Проектын федерал этапше Российын 85 регионжо гыч 510 команде усталыкшым ончыкта, тышеч 96 командым финалист семын палемдат. Нуныжо тений шыжым «Смена» всероссийский йоча рӱдерыште шкем ончыктат. Сеҥыше-влакым лач тушто палемдаш тӱҥалыт.

Г.КОЖЕВНИКОВА

Опубликовать в Одноклассники

Добавить комментарий