Эртыше кечылаште Марий Элыште профессионал образованийым пуышо организацийласе студент ушем-влакын республик кӱкшытан VI смотр-конкурсышт лийын.
Тудын тӱҥ шонымашыже – студент ушем-влаклан полышым пуаш, нуным вияҥдаш да социальный могырым кӱлешан пашаш ушнаш кумылаҥдаш.
Смотр-конкурсым Марий Эл образований да науко министрын алмаштышыже Андрей Сушенцов почын, тыгак студент-влаклан поро тыланымашым республикын Молодёжь политике комитет председательын алмаштышыже Сергей Анисов ойлен.
Финалыш чылаже кандаш ушем лектын. Студент-влак шке отрядышт, клубышт да сеҥымашышт дене палдареныт. Аклыше-влак икымше верым Йошкар-Оласе технологический колледжын «Улей» студент отрядшылан (снимкыште) пуэныт.
Г.Кожевникова
Фотом Марий Эл Образований да науко министерствын сайтше гыч налме
