Йошкар-Ола уремлаште автотранспорт аварий лийын кертме верым шагалемдаш манын, лӱдыкшӧ чырым кораҥдыме паша умбакыже шуйна.
Рӱдола мучко тений 22 тыгай лӱдыкшӧ верым кораҥдаш палемдыме. Теве «Вектор» ООО-н пашаеҥже-влак автомашина кудалыштме корно кок велыш кӱртньӧ авыртышым шогалтылыт. Транспортлан корно ӧрдыжыш кудал пураш але автомашинам, лӱдде шогалтен кодаш манын, йӧным ыштат. Поснак лӱдыкшӧ верыш термопластик дене корно палым сӱретлат, светофорым вераҥдат. Кызыт тыгай паша Красноармейский ден Осипенко урем-влак ушнымаште, рӱдӧ пазар кумдыкышто кая.
Р.ЧЕПАКОВА
