Гороскоп

Ӱпым пӱчкаш тарваненда гын

8 май. Таче ӱпым пӱчкаш утыжым келшыше кече огыл. Ончыч могай тӱсыш ӱпым чиялтымеке шкендам пиаланлан шотленда, кызытат тугайышкак чиялтыза.

9 май. У прическым лӱдде ыштыктен кертыда. Коллегыда-влак коклаште лӱмнерда, чапда кӱшнӧ лийышт манын шонеда гын, ӱп тӱсым вашталташ натуральный чия дене пайдаланыза.

10 май. Кӧ пытартыш жапыште волышо кумылан лийын, чонжым чӱчкыдынак шӱлык авалтен улмаш гын, тудлан ӱпым пӱчкаш темлалтеш. У прическо кумылдам чотак нӧлталеш! Ӱпым ондаксе деч чот ойыртемалтше тӱсышкат чиялтен кертыда.

11 май. А таче, мӧҥгешла, кӧ эреак сай кумылан лийын, тудлан гына парикмахерскийыш миен толман. Молылан ӱпым пӱчкаш огеш темлалт. Таче ӱпым кечывал марте кеч-могай тӱсыш, а кечывал деч вара ошалгыш гына чиялташ келшен толеш.

12 май. Ӱп мучашым веле пӱчкаш лиеш. Ӱпым ошалге тӱсыш чиялтеда гын, оксада ешаралтеш.

13 май. Таче ӱпым пӱчкашат, чиялташат сай кече огыл.

14 май. Тиде кечынат ӱп дене лучо нимомат ышташ огыл.

Л.Камалетдинова

Фотом интернет гыч налме

Опубликовать в Одноклассники

Добавить комментарий