Россий МЧС-ын Марий Элысе Тӱҥ управленийыштыже «Ӱшан телефон» пашам ышта. Тудын номерже — (8362) 69-02-63.
Телефон кыл ведомствын специалистше ден калык коклаште вашкылым пенгыдемдаш шонымаш дене ышталтын. Поснак илышлан лӱдыкшӧ улмым кораҥдыме шотышто. Тыгак ен-влак утарыше ведомствын специалистше-шамычын закондымо ошкылышт нергенат шижтарен кертыт.
Идалык гыч тӱҥалын, тачысе кече марте «Ӱшан телефоныш» чылаже 83 гана йынгыртеныт. Октябрьыште гына Йошкар-Ола гыч вич йыҥгыр лийын. Тӱн шотышто нуно пожар лийын кертме шотышто шижтарат. Мутлан, шуко пачашан пӧртыштӧ тошкалтыш площадкыште тор погынымалан, коридорышто тамакым шупшшо пошкудылан, пӧртыш пураш корным авторанспорт дене петырымылан вуйым шийыт. Ик еҥ организацийын кумдыкыштыжо верланыше гаражыште горючийым аралыме нерген шижтарен.
Чыла тыгай вуйшиймашым Россмий МЧС-ын республикыс Тӱҥ управленийжын келшен толшо подрадзеленийлашкыже мерым ышташ колтат. Вара тусо специалист-влак тергат, кӱлеш гын верышкат лектыт. 30 кече эртымеш вуйшиймашым пуышо еҥ вашмутым налеш.
Кунам вуйшиймашыже МЧС компитенцийыш ок пуро гын, тудым садак регистроватлат да келшен толшо кугыжаныш але верысе кучем органлашке колтат.
С.НОСОВА
