Шукерте огыл У Торъял районысо Тошто Торъял селаште Кугу Отечественный сарыште вуйыштым пыштыше-влаклан чапкӱ-стелым шотыш конденыт.
Жап эртыме дене тудо тоштемын, вет чапкӱм 1987 ийыштак ыштеныт улмаш. Тидым шотыш налын, Тошто Торъял ял шотан илем администраций тудым капитально олмыкташ верысе калыкын тӱҥалтышыжлан полышым пуымо программыш «Шарнымаш ила» проектым эше ӱмаштак ямдылен да сеҥен. Тыге, проект дене келшышын, чапкӱм тӧрлатеныт, тыгак воктенысе кумдыкшым тӱзатеныт. Тӱрыс пашан акше 911 тӱжем теҥгешке шуын. Тышеч 636 тӱжем теҥге республикысе бюджет, 145 тӱжем теҥге поселенийын бюджетше гыч ойыралтын, молыжым Тошто Торъял кундем калык чумырен.
Ачалыме пашам апрель мучаште тӱҥалыныт да 15 кечыште ыштенат шуктеныт! Комиссий тудым 28 майыште приниматлен.
Уэмдыме чапкӱ-стелым 22 июньышто официально угыч почшаш улыт.
Л.КАМАЛЕТДИНОВА
