УВЕР ЙОГЫН

Чиновник-влак доходыштым ынешт иземдыкте

Федераций Советын регламент да парламент пашам виктарыме  шотышто комитетше депутат ден сенатор-влакын доходыштым эл мучко кокла кугыт дене икгайым ыштыме нерген законопроектым  сайлан шотлен огыл, воза ТАСС

Нине чиновник-влакын парышыштым пӱчкаш «Справедливый Россий» фракций вуйлатыше Сергей Миронов коллегыже Олег Нилов дене пырля темленыт.

Тиддеч посна нуно медицине полышым пуымо, санаторно-курортный, бытовой да пенсийым тӱлымӧ шотышто кызыт пайдаланыме льготыштым кораҥдаш темленыт. Тыгодым тиде законын илышыш пурымыж деч ончыч кӧлан пенсийышкыже ешартыш ышталтын, нунылан тудым арален кодаш кӱлмым палемденыт.

Калык сайлыме еҥ-влакын парышыштым иземдаш темлымашым «Единый Россий» фракций вуйлатышын законопроект паша шотышто икымше алмаштышыже Андрей Исаев тӱҥалтыштак келшен толдымылан шотлен.

Тиде законопроектым поддержатлаш комитетын чыла членже тореш лийын. Комитет председательын икымше алмаштышыже Светлана Горячева гына йӱклымаш годым кокытеланен.

Кызыт ты законопроект Кугыжаныш Думышто каҥашалтеш.

Л.Камалетдинова.

Опубликовать в Одноклассники

Добавить комментарий