Марий Элын Тазалыкым аралыме министерствыжын палдарымыж почеш, 15 июньышто республикын инфекционный стационарлаж гыч 7 еҥым мӧҥгӧ колтымо, тыгодымак 42 черлым эмлалташ пыштыме. Профильный койкылаште чылаже 647 пациент кия. Ты чот гыч 317 еҥлан «у коронавирус инфекций» диагнозым шындыме, 152 еҥ неле состоянийыште, 12 черле шодым искусственно вентилироватлыме йӧн дене шӱла, 244 пациентлан кислород кӱлеш.
«Стопкоронавирус: статистика» сайтын данныйже почеш, 15 июньышто Марий Элыште у коронавирус инфекций дене черланыме эше 44 случайым регистрироватлыме, да пандемий тӱҥалме пагыт гыч тиде кече марте ты чот 2419 еҥыш шуын. Чылаже 19 еҥ колен.
М.ИВАНОВА
