Куштылго атлетике дене элнан чемпионатыштыже Марий Эл гыч Людмила Лебедева 3-шо верым налын.
Таҥасымаш пошкудо Чебоксарыште, «Олимпийский» стадионышто 22-27 июньышто лийын. Тушко элнан 71 регионжо гыч куштылго атлет-влак чумыргеныт. Марий ӱдыр (тренерже С.Черепанов) 10 километрыште вийжым терген. Палемдыме кутышым 33 минутат 17,88 секундышто эртен. Икымше Воронеж область гыч Светлана Аплачкина (32:43,20) лийын, а 2-шо верыште – Новосибирск гыч Анна Викулова (32:47,89). Ик забегыште 16 спортсмен, нунын кокла гыч тўнямбал кӱкшытан вич спорт мастер вийжым терген.
Марий Элын командыже 10-шо верыш лектын.
Е.ЭШКИНИНА.
