Звенигово районысо краеведений тоштерыште курчак театр почылтын
Тоштер пашаеҥ-влакын мутышт почеш, тудым нуно шкеак шонен луктыныт, шкеак сценарийын авторжо, декораторжо лийыныт. Тидын дене тоштерлан у шӱлышым пуэныт, тудым чоным кандарыше пӧртыш савыреныт.
Спектакльын премьерже декабрь мучаште лийын. Тоштер пашаеҥ-влак «Морозко» руш калык йомак негызеш «Теле йомакыш – унала» представленийым ончыктеныт. А икымше ончышыжо да критикше верысе школышто тунемше-шамыч лийыныт.
Районысо краеведений тоштерын пашаеҥже-влак тымарте лу утла представленийым ончыктеныт – кажныштыже калык тич лийын.
М.ИВАНОВА
