СПОРТ УВЕР ЙОГЫН

«Тойлан» келшышын ийыныт

Йошкар-Ола гыч изи ӱдыр-влак Сочиште эртыше «Шем теҥызысе вӱдӱдыр-2017»  синхронный иймаш дене шымше Всероссийский йоча таҥасымаш гыч «той» медальым конденыт.

Тений тыгай таҥасымаште 6 гыч 15 ияш марте 240 спортсменке вийым терген. Йошкар-Ола, Москва, Санкт-Петербург, Казань, Севастополь, Краснодар, Саратов, Владивосток, шуко моло ола гыч 24 команде гыч ӱдыр-влак шке усталыкышт дене єрыктареныт. Таҥасымаш икмыняр дисциплине: соло, дуэт, комби, обязательный программе — дене эртаралтын.

2008-2009 ийлаште шочшо-влак коклаште Марий Элын чапшым иймаш дене СДЮСШОР-ын кок воспитанницыже: Дарья Андрушкевич ден Виктория Дмитриева — арален. «Дуэт» ден «обязательный программе» дисциплиныште мемнан изи «вӱдӱдырна-шамыч» той медаль дене палемдалтыныт. Ушештарена: талук ончыч Йошкар-Ола гыч Даша Шагина ден Вера Ганичева Сочиште тыгак кумшо верым налыныт ыле.

«Шем теҥызысе вӱдӱдыр» нєргє спортсменке-влаклан тыгай кугу  таҥасымаште шке мастарлыкым, ямдылалтме кӱкшытым ончыкташышт, кугу спортыш эше ик йолтошкалтышым ышташышт полша. А спортшкол-влаклан — тыгай кӱкшытан таҥасымаш шке спортсменкыштын мом кертмыштым тӱрыс почын ончыкташ да моло-влакын  опытышт дене палыме лияш полшышо йєн.

А.АНДРЕЕВ.

Снимкыште: теве могай улыт нуно, изи «вӱдӱдыр-влак»

А.Дмитриевын фотожо.

Опубликовать в Одноклассники

Добавить комментарий