УВЕР ЙОГЫН

Тисте дене кудал эртеныт

Рушарнян, 22 августышто, Россий Федерацийын кугыжаныш тистыжын кечыже пайрем лӱмеш Звенигово районысо Юлъял тӱвыра пӧрт ден книгагудо велопробегым эртареныт.

Тыгай мероприятий тыште йӱлашке савырнен шуын, молан манаш гын тушко ынде визымше ий почела лач ты пайрем лӱмеш чумыргат.

Теният 11 шагатлан кумылан-влак тӱвыра пӧрт деке погыненыт да велосипед дене Какшамарийыш кудалыныт. Тыглай огыл, а кажныже йолорвашкыже Российын, Марий Элын да Юлъялын (нунын шкеныштын тистышт уло! – авт.) тистыштым пижыктеныт. Тушто мероприятийын участникше-влакым тӱвыра пӧрт пашаеҥ-влак вашлийыныт да изирак викториным, модышым эртареныт. Вара, чайым йӱктен, уэш мӧҥгышкышт ужатеныт. Пеш сай йӱла…

Л.Камалетдинова

Опубликовать в Одноклассники

Добавить комментарий