«Лӱдыкшыдымӧ да сай качестван автомобиль корно» нацпроектым илышыш шыҥдарен толмылан кӧра Йошкар-Олаште Пролетарский уремыште асфальт корнын ӱлыл лончыжым шарен пытарыме. Корным олмыктен ачалыше организацийын пашазыже-влак ынде корнын кӱшыл лончыжым шарат.
Тыгак тений кеҥежым Сеҥымаш уремыште, Анциферов урем гыч тӱҥалын, «Водоканал» марте корным олмыкташ палемдыме. Ты корно участкым олмыкташ муниципальный контрактым пеҥгыдемдыме. Ты пашалан вуйын шогышо подрядчик кумдыкым тӱзаташ проектно-сметный документаций ден технический заданийым ямдылен. Контракт почеш нуно тений сентябрь мучаш марте тӱзатен шуктышаш улыт.
Р.ЧЕПАКОВА ямдылен
