Кодшо ийын «Мариэнергон» 884 пашаеҥже тунеммашым эртен, шукынжо – торалык (дистанционный) режимыште. Эн кӱлешанлан пашазе профессийла почеш профессионально ямдылалтме, уэш ямдылалтме да квалификацийым нӧлтымӧ программылам ончыкташ лиеш.
Электросеть комплекслан кӱлешан профиль почеш ямдылалтмаш энергетике организаций-влакын Киров ден Ижевскысе шке тунемме рӱдерлаштышт але Москвасе, Чебоксарысе, Казаньысе да Йошкар-Оласе вес тунемме заведенийлаште эртат.
«Мариэнерго» филиалыште пашаеҥ-влакын квалификацийыштым нӧлташ чыла условийым ыштыме да тиде кӱрылтде шукталтеш. Налме шинчымаш ден моштымаш энергетик-влаклан пашаштым саемдаш полша.
Ю.ИСАКОВ
