- 2018 ий гыч Марий Элыште 15 спортивный учреждений, тидын шотыштак 4 спорт школ (тушеч кокытшо – муниципальный), Олимпийский резервын 8, паралимпийский резервын 1 школжо, тыгак спортсмен-влакым ямдылыше 1 рӱдер, олимпийский резервын 1 училищыже пашам ыштат.
- Тренер-влаклан пашадарым кугемдыме амал дене икмыняр спорт школым комплексныйыш савыреныт. Мутлан, фехтований, бокс, ӱстембал теннис, байдарке да каноэ дене вӱдым куэн иймаш, корэш, восточный боевой единоборство отделений-влакым ик олимпийский резерв спорт школыш ушеныт. Тыгак спортын ий видше дене школым почмо. Тушто хоккей, фигурный мунчалтымаш, шорт-трек дене ямдылалтыт.
- «Виктория» СШОР-ышто ече, спорт туризм, биатлон, лўйылтмаш дене отделений-влак пашам ыштат.
- Ӱмаште тӱрлӧ спорт школышто чылаже 4622 еҥ, паралимпийский резерв школышто 92 еҥ ямдылалтыныт.
- Таче кечылан Марий Элыште спортын базовый видшылан куштылго атлетике, иймаш, регби, спорт гимнастике, ече, сокыр-влакын спортышт шотлалтыт.
- Сай результатым ончыктымылан СШОР ден спорт школлаште ямдылалтше ӱдыр-рвезе-влаклан кажне ийын Марий Эл вуйлатышын стипендийжым пуат
- .
- 2018 ийыште Марий Эл вуйлатышын стипендийжым Олимпийский резерв училищыште тунемше Артур Матвеев налын.
Е. Эшкинина
