Куштылго атлетике
75 ийым – Арын школышто, куржталме корнышто
14 майыште Морко район Арын школ воктене куштылго атлетике дене таҥасымаш эртен. Тудо куштылго атлетике дене СССР-ын спорт мастерже Александр Гурьянович Сергеевын призше верч лийын.
Таҥасымаш моткоч сайын эртен. Стартыш ты районын турлӧ кундемже гыч ятыр еҥ лектын. Чылаже 14 забег лийын. Абсолютный чемпион – Морко кыдалаш школ гыч Андрей Куприянов.
– Игече изиш мардежанрак ыле гынат, участник-шамыч палемдыме кутышым сайынак куржын эртышт. Воспитанникем, «Шуматкече» ансамбльын солистше Игорь Борисов художественный номерже дене куандарыш. Тау школ администраций да толшо уна, спонсор-влаклан. Поснак Анатолий Оразаев ден Алексей Ильинлан, – мане Арын школын воспитанникше, куштылго атлетике дене Морко районын икымше спорт мастерже, тений 75 ийым темыше Александр Сергеев.
Александр Гурьевичым саламлаш эше ик воспитанникше, куштылго атлетике дене спорт мастерыш кандидат, Пошкырт кундем Мишкан район гыч Александр Яркаев лӱмын толын. Ятыр ий физкультурым туныктышо Арын школлан кок баскетбол, ик волейбол мечым, кок волейбол сеткым пӧлеклен.
Тыгай шкешотан спорт мероприятийым ончыкшым йӱлаш пурташ шонат.
Е.Эшкинина.
Снимкыште: старт пуалтын.
А.Титовын фотожо.
