«Одывлак-Кужэҥер-Параньга» — тыге манын лӱмдымӧ шонымаш дене ила да омешыже чапле корным ужеш верысе калык Йошкар-Олаш наҥгайыше кугорно ден райрӱдым ушышо икте веле улшо тиде трассым. Ты «корно вӱршерым» эше кодшо курымысо 70-шо ийлаште кӱртньӧ-бетон плита-влакым ушкален вакшыныт. Пел курым жапыште тудо йӧршеш йӧрдымыш лектын: плита пуракыш савырнымеш нӱжалтын, шуко вере арматур автомашиналан лӱдыкшын чараҥ лектын. Сандене чыла тӱрлӧ технике воктене ыштыме корно дене кудалыштын.
2008 ийыште ты корным угыч ышташ проектно-сметный документацийым ямдыленыт, эше ик ий гыч пашам тӱҥалыныт. Ныл меҥге наре кутышеш асфальтым пыштеныт – да умбакыже ышташ окса пытен. Тений Марий Элым вуйлатыше А.Евстифеевын Кужэҥер калык дене вашлиймыж годым еҥ-влак тудын деч корным олмыктымо пашам угыч тӱҥалаш йодыныт. Шуко вучаш кӱлын огыл, тыште угыч технике ышташ тӱҥалын.
Кумданрак — «Марий Эл» газетын
2017 ий 30 сентябрьыште лекше номерыштыже лудын кертыда.
А.АНДРЕЕВ.