Эмганыше йолан (опорно-двигательный аппарат шотышто экшык улман) спортсмен-влак коклаште Смоленскыште куштылго атлетике дене Российын кубокшо верч таҥасымашын икымше этапыштыже Йошкар-Ола гыч Михаил Липатников кок бронзо медальым сеҥен налын.
Михаилым тренерже-шамыч В.Воронцов дене Е.Марсова ямдылат. Рвезе 200 да 400 метрыште вийжым терген. Чаманен каласыман, спортсменлан Российын спорт мастерже нормативым шукташ улыжат 0,12 секунд ситен огыл.
Тренерже Виталий Воронцовын палемдымыж почеш, 20 ияш Михаил изишак эмганыше тӱшкаште вийжым терга.
Е.Эшкинина.
