Йошкар-Оласе Вашкеполыш станцийын оралтыжым олмыкташ 53,5 утла миллион теҥгем ойырат.
Тиде уверым госзакупко сайтыш вераҥдыме.Тудын данныйже почеш, Вашкеполыш станцийын Водопроводный уремысе 85-ше №-ан пӧртшӧ ден коммуникацийжым тичмашнек олмыкташ палемдыме.
Электрон аукцион 29 мартыште лиеш. Ойпидышым ыштыме деч вара подрядчик палемдыме пашам вич тылзыште ыштен шуктышаш.
М.ИВАНОВА.
