Республикна«Образований» национальный проектын «Кызытсе школ» федерал проектше почеш корно картын начар тазалыкан тунемше-влаклан полышым пуымо шотышто палемдыме чыла мероприятийжым эртарен да Российысе ик эн ончыл 20 регионжо радамыш пурталтын.
Корно карте дене келшышын, Козьмодемьянск интернат-школышто ургымо, столяр, йолчиемым ачалыме паша дене кылдалтше мастерскойлам уэмдыме. Тыгак тунемме верлан картоным ыштыме сомыллан кӱлеш оборудованийым налме, ынде йоча-влаклан «Технологий», «Картон-книга ком паша» профиль-влак дене шинчымашым пуаш йӧн лиеш.
Интернат-школышто тыгак социально-бытовой кабинетлам уэмдыме, спортзал ден компьютер классым у оборудованийла дене пойдарыме.
Г.КОЖЕВНИКОВА
