Кужэҥер районысо Агытансола ялыште «Шокто, гармонь – калыкын чонжо» калык усталык фестиваль эртен. Тудо тале гармоньчо, ушан-шотан педагог, просто сай айдеме Е.Волковлан пӧлеклалтын.
Фестивальыш Евгений Борисовичын лишыл еҥже, тыгак Параньга, Марий Турек, У Торъял, Советский да Кужэҥер районласе усталык коллектив-влак чумыргеныт.
Шӱдымарий ял шотан илем администрацийым вуйлатыше Нина Иванова ден Кужэҥер район администрацийын тӱвыра, физический культур да спорт пӧлкажым вуйлатыше Светлана Швецова пайремыш толшо-влакым саламленыт. Евгений Волковын усталык корныжым родо-тукымжо, пашам пырля ыштыше йолташыже, пошкудыжо-шамыч шарналтеныт.
М.ИВАНОВА.
