«Кравец» тӱвыра да туныктымо форум Марий Элыште тений визымше гана лиеш. Тудым эртарыше-шамыч чолга ӱдыр-рвезе-влакым 23-29 июльышто Курыкмарий район Кулаковы селасе Красноволжский школышто вучат.
Форумыш школ ден ссузлаште тунемше-шамыч (15 ияш гыч 18 ияш марте) чумыргат. Нунылан тӱрлӧ лекцийым, «йыргешке ӱстелым», мастер-классым, экскурсийым эртарат. Тыгак проект пашам возаш туныктышо эксперт денат вашлияш йӧн лиеш.
Мероприятийым «Самырык-влакын инициативный группышт» регионысо мер организаций Самырык-влакын политикышт шотышто, спорт да туризм, Тӱвыра, печать да калык-влакын пашашт шотышто, Образований да науко министерствыла, Курыкмарий район администраций, Россий президент грантын фондшо полшымышт дене эртара.
Ушнаш кумылан-шамыч регистрацийым 15 июль марте, а волонтёр-влак 1 июль марте эртышаш улыт.
Л.ШАБДАРОВА.