Республикыште 10 апрель гыч 9 май марте кугу нелытан транспортлан кудалышташ корно петырналтеш. Тидын шотышто пунчалым Марий Эл правительствыште пеҥгыдемденыт.
Тидын годымак палемдыман: пассажирым, кочкыш продуктым, вольыкым, эмым, ӱяҥдышым, почтым шупшыктышо автомашиналан да моло кӱлешлан келыштарыме транспортлан кудалышташ чарыме огыл. Тыгак ГИБДД, МВД, МЧС, ЖКХ службын спецтехникат онычсо семынак кудалышт кертыт.
Республикысе МВД УГИБДД-ын данныйже почеш лишкыл жапыште тидын нерген палдарыше корно пале ден нелытым тергыше висам вераҥдат.
Р.Чепакова.