7 июльышто Йошкар-Олаште «Эн сайын чодырам йӧрыктышӧ» республиканский конкурс лиеш.
Тудым Марий Элын Пӱртӱс поянлык, экологий да йырым-йырысе средам аралме министерствыже, Йошкар-Ола администраций да Юл кундем технологий кугыжаныш университет эртарат. «Мир инструментов» ООО спонсор семын полшышаш. Кызыт конкурслан ямдылалтме паша вийым налын. Тудын тӱҥ шонымашыже чодыра промышленность комплексыште тыршыше-влакын паша профессийыштым, ончыл опытым пропагандироваташ да у кӱкшытыш нӧлталаш, у технологийым кучылтын, лӱдыкшӧ деч посна профессиональный бензоинструмент дене пайдаланыме практикым шымлаш манын эртаралтеш.
Республик кӱкшытыштӧ ончыл верыш лекше чодырам йӧрыктышо вара тыгак Россий кӱкшытыштӧ шке мастарлкышым ончыкташ тӱҥалеш. Тений тыгай конкурсшо Екатеринбургышто 19-21 сентябрьыште эртышаш.
С.Носова.
