Марий Элыште профессионал образованийым пуышо организацийлаште тыршыше педагог-влаклан Россий кӱкшытан «Идалыкын мастерже» конкурсын регионысо йыжыҥже эрта. Тений тушто чылаже 30 еҥ мастарлыкым ончыкта.
«Мый – мастер» лӱман икымше заданий (10 апрельыште эртаралтын) тыгай лийын: паша опыт да лектыш дене палдараш. 16-17 апрельыште мастер-влак профориентаций дене кылдалтше мероприятийым ончыктеныт. Эрла ик эн уста 10 мастерым палемдат, нунылан лишыл кечылаште «Мастер-классым» эртарыман. Тушто сеҥыше Марий Элын чапшым конкурсын финалыштыже аралаш тӱҥалеш, тудыжо тений сентябрьыште Тюмень олаште лиеш.
Г.Кожевникова
Фотом Марий Элысе кыдалаш образований системын сайтше гыч налме
