24 июньышто Шернур район Кугэҥер ялыште илыше Кузьминыхмытын суртыштышт пожар лийын. Тул нимомат чаманен огыл: илыме пӧрт да воктеныже улшо оралте-шамыч йӱленыт – нимомат утарен коден кертме огыл.
А ешыште тӱрлӧ ийгот 15 еҥ уло. Ик шагат жапыште нуно вуй ӱмбалсе леведыш, вургем да моло кӱлешан арвер деч посна кодыныт. Ешыште илалше инвалид да 9 икшыве (эн кугулан – 12 ий, а эн изиже 2018 ийыште шочын) уло. Тыгай ойгыш логалше кеч-могай еҥланат йӧсӧ, эн ончычак – йоча-влаклан.
Полшыза, пожалуйста! Айста, кӧ мом кертеш, тудын дене полшена! Ешлан кочкыш (поснак – йочалан) вургем, пӧрт кӧргыштӧ кучылташ арвер, мушкылтмо средства, кӱмыж-совла, йоча кочкыш да окса моткоч кӱлыт.
Арверым да молым тыгай адрес дене конден кертыда: Йошкар-Ола, Мир урем, 35-ше №-ан пӧрт.
Оксам Владимир Аркадьевич Кузьминых лӱмеш картыш колтыза:
4276 8370 1270 9147
Телефон номер тыгай: 89613371615
Г.КОЖЕВНИКОВА.
