Мыланем – 59 ий. Сулен налме канышыште улам гынат, пашам ыштем, молан манаш гын пенсий окса дене илен лекташ огеш лий. Палынем ыле, пашам ыштыше граждан-шамычын пенсийыштым адакат огыт кӱзыктӧ мо?
О.Алексеева.
Морко район.
«Пенсий реформо кышкарыште Россий правительстве пашам ыштыше граждан-влакын пенсийыштым огеш индексироватле, – манеш икымше вице-премьер, финанс министр Антон Силуанов.– Ме пашам ыштыше пенсионер-влакын пашадарышт ончылгоч мужедын палемдымына деч палынак кугу улмым ужына. А погынышо индексаций пенсионерлан тичмаш расчётым ыштыме годым шотыш налалтеш. Пашам ыштыше россиян-влакын пенсийышт 2016 ий марте моло выплате дене иктӧр индексироватлалтын, но элысе экономикын начарештмыжлан кӧра индексацийым кораҥдыме. 2018 ий 1 апрельыште социальный пенсийым 4 процентлан индексироватлыме, тудым инвалид-влак налыт».
А.Силуановын палемдымыж почеш, 2024 ийлан Российыште пенсийын кокла кугытшо 20 тӱжем теҥге марте кугемшаш. Тылеч посна пенсийым индивидуальный пенсий капитал полшымо дене шке кумылын кугемдаш лиеш.
М.Иванова ямдылен.
