Ме пачерым кредит деч посна налынна. Шуко функциян рӱдерыш (МФЦ) пачерым шкенан собственностьыш кусарыме шотышто кугыжаныш регистрацийым эрташ йодмашым возенна. Каласыза, а пачер оза регистрацийым икмыняр жаплан чарыме шотышто йодмаш дене лектын кертеш мо?
Н.СУВОРОВ.
Шернур район.
Йодышлан Марий Элысе Росреестр управленийын специалистше вашешта:
– 2015 ий 13 июльысо «Недвижимостьын кугыжаныш регистрацийже нерген» 218-ше №-ан Федеральный законын (Регистраций нерген законын) 30-шо статьяжын 1-ше ужашыж дене келшышын, кугыжаныш кадастр учёт ден (але) права шотышто кугыжаныш регистрацийым ик жаплан ик гана веле чараш лиеш, но куд тылзе деч шукырак жаплан огыл. Тидым кӱшнӧ каласыме Федеральный законын 15-ше статьяштыже ончыктымо лица-влак, йодмашым возен, ыштен кертыт.
Регистраций нерген законын 15-ше статьяжын 3-шо ужашыжын 3-шо пунктшо дене келшышын, права шотышто кугыжаныш регистраций одновременный кугыжаныш кадастр учёт деч посна договорышто ончыктымо еҥ-влакын йодмашышт почеш договор ден (але) праван кугыжаныш регистрацийым эртыме годым, правам шагалемдыме але недвижимость объектым обременитлыме годым, Федеральный законышто весым ончыктымо огыл гын, ышталтеш.
Правам регистрироватлыме годым кугыжыныш регистрацийым жаплан шогалтыме йодмашым пачер ужалышат, налшат иканаште пуышаш улыт манме шотышто Регистраций нерген законышто требований уке (Регистраций нерген законын 30-шо статьяжын 4-ше ден 5-ше ужашыштыже каласен кодымо деч посна).
Тугеже, Регистраций нерген законын 30-шо статьяжын 1-ше ужашыж дене келшышын, регистрацийым икмыняр жаплан чарыме шотышто йодмаш дене пачерым ужалышат, налшат лектын кертыт.
Л.ШАБДАРОВА.
