УВЕР ЙОГЫН

Акций: «Яра пуымо кече»

1 февральыште, лӱмлӧ этнограф Тимофей Евсеевын шочмо кечынже, Марий Эл Республикын калыкле тоштерже «яра пуымо кече» акцийым эртара. 

Тоштер лач тудын лӱмжым таклан огыл нумалеш. Тимофей Евсеев тоштерын икымше директоржо лийын, шке жапыштыже тудын фондшым шкак чумырен да пойдарен.

Ынде тоштер пашаеҥ-влак республикысе калык деке тыгай йодмаш дене лектыт: кундемнан историйжым арален кодымаште лӱмдам ужнеда, йӧнда уло гын, тоштерлан шкендан еш историй, йӱла дене кылдалтше арверым пуэн кертыда. Акцийыш ушнышо-шамычлан пӧлек шотеш еш дене тушко мияш сертификатым кучыктат. Арверым яра пуышо-влакын лӱмыштым тоштерын йолташыже-влак радамыш пуртат да шке сайтыштышт арверыштым да лумыштым ончыктат. Лекше йодышым тоштерын тӱҥ аралышыже Елена Васильевна Кириллова деч тыгай телефон дене рашемдаш лиеш8 (8362)347530 (доб.202).

С.Носова.

Опубликовать в Одноклассники

Добавить комментарий