30 мартыште Кужэҥер районысо Тумньымучаште Коҥганур кыдалаш школын спорт мастерже-влакын призышт верч ече дене таҥасымаш эртен.
Шошо игече пеш сай лийын, чапле ечыгорнат спортсмен-влакым куандарен.
Республикнан тӱрлє кундемже гыч ятыр ӱдыр-рвезе вийжым терген.
Таҥасымаш икмыняр тӱшкалан шелалтын. Изирак ийготан-влак кокла гыч южышт икымше гана тыгай стартыш лектыныт гын, ветеран-спортсмен-шамыч самырык тукымлан пример семын лийыныт.
Шке ийготанышт-влак коклаште Мария Козлова (Волжский район, Памар, 2 км), Юлия Тимофеева (Волжский район, Пєтъял, 3 км), Анна Громова (Советский район, Кукмарий, 5 км), Кристина Петрова (Медведево район, Юбилейный, 5 км), Галина Лебедева (Йошкар-Ола, 3 км), Андрей Васильев (Волжский район, Памар, 3 км), Иван Веселов (Шернур район, 5 км), Евгений Полушин (У Торъял район, 10 км), Алексей Сапаров (Советский район, ™шнур, 10 км), Константин Павлов (Кужэҥер, 10 км), Владислав Сидыганов (Кужэҥер район, 10 км), Вениамин Войков (Йошкар-Ола, 5 км), Александр Небогатиков (Йошкар-Ола, 5 км), Иван Лебедев (Кужэҥер район, Руш Шой, 3 км) икымше верыш лектыныт.
– Таҥасымаш сай кӱкшытыштє эртен. Йочасадыш коштшо-влаклан посна стартым пуымо. Финишыш толын шумекышт, кажныжлан медальым кучыктымо, – ойла Коҥганур школышто физкультур урокым вӱдышє Е.Быков. – Сеҥыше ден призёр-шамычлан пєлекым посна ӱстембалеш ямдылыме ыле. Икымше верлан пєсна ӱстел, кокымшылан – весе… Тыге призёр-влак шканышт шке пєлекым ойырен налыныт.
Е.Эшкинина.