« Кугу Какшан» заповедник 1 август гыч пален налш полшышо туризм сезоным почеш.
Кеҥеж – заповедникыш логалаш сай йӧным пуа. Пӱртус ылыжын тӱзланыме пагытыште чылажат тушто кумылым нӧлта. Санденак заповедникыш логалаш йоным пуышо икмыняр маршрутым ойырен налаш лиеш:
·«Ир пӱртӱс тӱня» (кок кечылан)
·«Заповедный мӱкш отарыш» (ик кечылан)
·« Сонарзын изи корныжо» (ик кечылан)
·«Колызын кудывечыже» (ик кечылан)
Заповедный чодыра чынжымак тыглай еҥым ӧрыктарен кертеш. Тушто эсогыл 200 ияш пушенгым, Российын да Марий Элын Йошкар книгалашкыже пуртымо кайыкым, янлыкым, кушкылым ужаш, пеш мотор да ӧрыктарыше пӱртус лоҥгаште чоным кандараш лиеш.
А тиде увер шке жапыштыже ты заповедник кумдыкысо яллаште илыше-влакымат куандара, очыни. А тыгай ялже икмыняр лийын. Иктыже — Аргамач. 12 июльышто, Петро кечын, тудын олмышто ял пайрем эртаралтеш. Тушко логалаш шонышо-влак «Кугу Какшан» заповедникын офисышкыже 8 (8362) 22-17-11 номеран телефон дене йыҥгыртышаш але https://vk.com/kokshaga интернетысе сайтыш йодмашым колтышаш улыт. Молан манаш гын, заповедник кумдыкыш шке кумыл дене гына логалаш огеш лий.
Фотом заповедникын сайтыштыже налме.
С.НОСОВА
