Москосо ЭКСПО-рӱдерыште «Интурмаркет» тӱнямбал турист ончерыште Марий Элын Спорт да туризм министерствыжым диплом дене палемденыт.
Тыге регионын этнический поянлыкшым аныклен арален толмыжым, эн представительный делегацийым намийымыжым да тудын ончерыште чолгалыкым ончыктымыжым акленыт. Дипломым кучыктымо церемонийым республик гыч мийыше Олык Ипай лўмеш премийын лауреатше Марий кугыжаныш университетын «Марий мурсем» фольклор ансамбльже сӧрастарен.
Кум кече жапыште тӱрлӧ площадкыште Марий Эл делегацийын еҥже-влак республикысе туризм отрасльын чыла гаяк шєрынжє да событий-влак дене палдареныт. Брендыш савырныше «Йошкин пырыс» персонаж-влак мемнан туроператор-шамычын маршрутышт дене палдарыше стенд деке толаш кумылаҥден шогеныт.
Спорт да туризм министр Лидия Батюкован соцкыл лаштыкыште возымыж почеш, «Туристический код моего города, посёлка, района – PROтуризм» всероссийский конкурсышто сеҥыше-влакым палемдыме церемоний поснак куандарен. Марий Эл гыч пуымо чыла йодмаш призан верым налын.
С.Носова
Снимкыште: «Марий мурсем» – ончерыште.
Фотом Марий Элын Спорт да туризм министерствыж гыч налме
